Qüssədən ürəyim kərdi-kərdidir,
Göz yaşım üstündə duz bağlayıbdır.
Xocalı xalqımın elə dərdidir
Yayda da ərimr, buz bağlayıbdır.
Ömrü bir gecədə sovan, bitirən,
Əbədi yandıran közdü Xocalı.
Kolları meyvə yox, cəsəd gətirən
Dərədi, təpədi, düzdü Xocalı.
Qanda çalxalanan cəllad əlinin
İzinə tay olan izimiz yoxdur.
Xocalı kədərli qızın-gəlinin
Üzünə baxmağa üzümüz yoxdur.
Qız-gəlin isməti düzdə-dərədə,
Həyatdan qızaran dandı Xocalı.
Cəllad elə tonqal çatdı bərədə,
Qış günü od tutub yandı Xocalı
Göylərin qap-qara buludu, bu dərd,
Bu dərdin yarası qovuşan deyil.
O qədər ah-nalə doludur bur dərd
Heç yana heç zaman sovuşan deyil.