Mən söz sərrafı ola bilmədim!!
Mən söz ovçusuyam!
Haqqa gedən
söz adlı yolun,
Çiynində heybəsi
Boş gedib-gələn ,
Bir yolçusuyam!
Bir bax!!
Sözləri necə yaralamışam!
Yaraladığım sözləri,
Yan-yana necə sıralamışam!
Biri qan ağlayir,
Biri boğulur öz içində.
Biri gündə yüz dəfə ölür,
Biri gündə yüz dəfə doğulur,,
Ayrı rəngdə,
Ayrı biçimdə!
Heç ayaqqabılar da,
Ayağıma olmadı!
Sən hansı zamanın
Ayaqqabılarını
Qoydurmusan məzarının üstünə?!
Neyləyək..
Qoy o ayaqqabılar
Başqa birinə gərək olsun,şair!
Oyanma,ört üstünə
mələklərin qanadların,
üşüyərsən,
Havalar yaman soyuqdu,
Yuxuların mübarək olsun, şair!