Xatırlanır bir xəyal kimi
Ötüb gedir keçən günlər
Keçdikcə bir iz də qoyur
Ötüb gedir keçən günlər
Bəzən olur şirin, acı,
Hər dərdin var bir əlacı
Gah razı, gah da narazı
Ötüb gedir keçən günlər.
Bu günü var, dünəni yox,
Gedib geri dönəni yox,
Heç qǝdrini biləni yox,
Ötüb gedir keçən günlər
Ötüb gedir görən hara,
Gah ağ olur, gah da qara,
İmkan olmur saxlamağa
Ötüb gedir keçən günlər.