Ey Yaradan, səni mən inkar etmirəm,
Heç Sənin əleyhinə də getmirəm,
Nǝyǝ və kimə lazım idi bu ağır zəlzələ
Axı burda tamam günahsızdı Türkiyə.
Yaman çox idi Yer üzərində yaramaz
Onların çoxu səni tamam inkar edirdi
Azğınlaşıb çox Allahsızlıq edirdi
Sənə yaxın çox sevən millət idi Türkiyə.
Ötüb getmişdi gör neçə illər, əsrlər
Mən İslamı sevdim, çox bəyəndim
Sən Özün də söyləmişdin, demişdin
İslama, müsəlmana qardaş idi Türkiyə.
İndi biz axı necə dözək bu ah-naləyə
Zülm çəkir, zillət çəkir yazıq körpələr
Bəlkə böyüklərin olmuşdu bir günahı
Bunu necə çəksin necə etsin Türkiyə.
Sən Özün günahkarı çox yaxşı bilənsən,
Hər bir kəsin düzgün cəzasını verənsən,
Allahsızları Sən Özün görənsən,
Səni çox sevib yaxın olandır Türkiyə.
Bilmirəm kimə tutmuşdu Sənin qəzəbin,
Bunu anlayıb bilmək olmur, çox çətin,
Yer üzərində yaratdığın bütün millətin,
Ən dəyərlisidir, ən qiymətlisidir Türkiyə.
Allahım, özün ver orda xəstələrin şəfasın
Ölənlərinə elə qəni-qəni dərin rəhmət
Allahım bir daha belə zülm göstərmə
Heç zaman zülümə layiq deyil Türkiyə.
Bu millətə heç də yaraşmır ağlamaq
Mərddir, Sənin verdiyin zülmə dözəcək
Onu lağa qoyan millətin və dövlətin
Gülüşünə indi necə dözsün Türkiyə.
Allahım, düşmənləri bizə güldürmə,
Özün bilənsən, günahsızı öldürmə,
Bir qardaşı iki yerə ayırıb böldürmə,
Doğma qardaşdı Azərbaycan-Türkiyə.