Sən hürrüyyətdən doğuldun,
Qan tökülən meydan oldun.
Kimin üzünə ağ oldun?
Küçədən asıldı adın.
Azadlıq
Əlimdən alınan sərvət,
Dadın bilmədiyim nemət.
Azad olmadı bu millət,
Küçədən asıldı adın.
Azadlıq
Öpdüm müstəqil üzündən,
Qorxdum sözümün düzündən.
Məni asdılar sözümdən,
Sən də küçələrdə qaldın.
Azadlıq
Meydan azad, küçə azad,
Sən haqqımdan qopan fəryad.
Sən mənimsən, sən mənə yad,
Mənim dilimdə yurd saldın.