Üç rəngli bayrağımın yanında dalğalansın
Hər bir türkün canında, qanında dalğalansın.
Böyük Turan adında, sanında dalğalansın
Dalğalansın bayrağın torpağında, Türk-Turan.
Gerbində Bozqurd izi, bayrağında türk qanı,
Himni alın yazısı yazıbdır yaradanı.
Tarixlərə həkk olub türkün zəfər dastanı
Dalğalansın bayrağın torpağında, Türk-Turan.
Oğuz elindən gəlir qulağıma yurd səsi
Böyük Xaqanlar yurdu, Sultanların ölkəsi.
Türküstanın birliyi, Bozqurdun od nəfəsi
Bu birliyin torpağı öz adında, Türk-Turan.
Tanınacaq dünyada bu birliyin haqları
Bir bayrağın altında Turanın torpaqları.
Doğsun ayın nurundan birliyin bayraqları
Bu birliyin torpağı öz adında, Türk-Turan.
Uca bayrağın kimi göylərə çatsın başın
Türkdən başqa de, kimdir, məsləkdaşın, qardaşın?
Bitəcək təcavüzlər, bitəcək yurd savaşı
Bu birliyin torpağı öz adında, Türk-Turan.