Mənim ilk məsləhətçim, qibtə etdiyim,
Həyatda dəyərli, əziz sandığım
Qarşısında baş əyib səcdə etdiyim
müəllimim.
Sən ey ilk dünyamın ilkin baxışı,
Yağdırdın qəlbimə nurlu yağışı,
Dilimdə, ağzımda duam, alqışım
müəllimim.
Sənətin müqəddəs, peşən müqəddəs,
Bu qədər paklığın görünmürmü bəs?
Nankorlara baxıb bitməsin həvəs,
Canımı, ruhumu oxşayan bir səs
müəllimim.
Şəninə nə qədər söz qoşsaq azdır,
Hər sözün, söhbətin bir işvə, nazdır,
Bu gözəl sözləri könlünə yazdır,
Əzizim, ürəyim, canım
müəllimim.
Amalın bizləri xoşbəxt görməkdir,
Demə ki, zəhmətin nəyə gərəkdir?
Sadəcə varlığın bizə köməkdir,
Anılsın hörmətlə adın
müəllimim.