Mən türklərin içində
Azərbaycan türküyəm.
Möhtəşəm Türk dünyası
Fəxrimdir, qürurumdur.
Uğuru uğurumsa,
Qüsuru qüsurumdur...
Sevinci sevincimdir,
Kədəri kədərimdir.
... öz millətinə
Xidmətidir yaşadan.
Vətəni birləşdirmək
Niyyətidir yaşadan.
Bir ucu Dərbənddədir,
Bir ucu Həmədanda.
Bir ucu Kərkükdədir,
Bir ucu İrəvanda.
Bir ucu Göyçədədir,
Bir ucu Borçalıda.
Bir ucu Mehridədir,
Bir ucu Xocalıda.
Bir ucu Dilcandadır,
Bir ucu Zəngəzurda.
Bir ucu Makudadır,
Bir ucu Dəstəfurda.
Şeirində Azərbaycan
Məhrəm-məhrəm danışır.
Qürurla dolu səsi
Lal tarixə qarışır.
... türkün türklə
Döyüşü fəlakətdir.
Türk türklə çarpışanda
Kim gələcək haraya?
Həkim şahı hücumdan
Saxlamaq istəyəndə,
Qolunun yarasını
Bağlamaq istəyəndə,
Şah deyir, siz şəfqətli
Əlinizi saxlayın!
Siz mənim yox, Vətənin
Yarasını bağlayın!
Şah İsmayıl Qərbdə də
Tanıdır hər ustadı.
Gözü üstdə saxlayır
Qurbanini, Behzadı.
Peyğəmbər ətəyindən
Yapışmağa çalışdım.
O olmadı... Savalan
Ətəyindən yapışdım.