Qəlbimi ovlayan o nazlı dilbər,
Sənin fərağına dözə bilmirəm.
Yanağın lalədir, üzün sənubər,
Uzadıb əlimi üzə bilmirəm.
O gündən ki, səndən aralanmışam,
Hicran yollarında paralanmışam,
Bir külək tərlanam yaralanmışam,
Göyərçin üstünə süzə bilmirəm.
Sevmişəm səndəki qara gözləri
Axır ki, bir rəhmə gələr özləri
Vurğun xəyalımdan keçən sözləri
Çin-çin eyləyirəm dözə bilmirəm.