Siraci: Xalqın görəməm zülfi – siyəh fam arasından,
Sədi: Quş müşkül alır danəsini dam arasından.
Siraci: Gördüm qaşını gözlərin üstündə dedim bəs,
Sədi: Bir şaxdır əyilmiş iki badam arasından.
Siraci: Qurbanın olub Kəbeyi-kuyində qalaydım,
Sədi : Ol gün ki, çıxar hacılar ihram arasından.
Siraci: Dünyayı dutar şaşaa bərqi-şəfəq asa,
Sədi: Düşmən kimi ləb dişləsə düşnam arasından.
Siraci: Zülfün aranı kəsdi, zülfün yüzün görməyə qoymaz,
Sədi: Çıxmazmı o kafər beçə kafər islam arasından.
Siraci: Sandım ki, düşüb daneyi-ənquri şəraba,
Sədi: Xali – rüxün əksin görəli cam arasından.
Siraci: Bir şanə çək ey şuxdilaram, dağıtma,
Sədi: Bəlkə, gələ öz könlümə aram arasından.
Siraci: Əlbəttə, çıxar dəftərin axtarsa Siraci
Sədi: Sədi kimi bin aşiqi-bədnam arasından.